२६औँ वार्षिक साधारणसभा
यस राष्ट्रेवक बचत तथा ऋण सहकारी संस्था लि. विराटनगरको २६औँ वार्षिक साधारणसभा २०८१ भाद्र २९ गते विराटनगर ४ बरगाछी स्थित होटल मनासलु ईनमा सम्पन्न भयो । संस्थाका अध्यक्ष श्री जीवन काफ्लेको अध्यक्षतामा सम्पन्न वार्षिक साधारणसभामा प्रमुख अतिथि नेपाल निजामती कर्मचारी संगठनका केन्द्रिय अध्यक्ष श्री लेखनाथ कोइराला रहनुभएको थियो । कुल १८७७ जना मध्ये १११५ जना शेयर सदस्यहरुको उपस्थितिमा साधारणसभा सम्पन्न भएको हो । कार्यक्रममा विभिन्न अक्षयकोषबाट विभिन्न सामाजिक व्यक्तित्वहरु, प्लुस टु र एसईई मा उत्कृष्ट शेयर सदस्यका छोराछोरीलाई सम्मान तथा पुरस्कार गरियो भने उच्च शिक्षा हासिल गर्ने २२ जना शेयर सदस्य र सदस्य सन्ततीलाई उच्च शिक्षा सम्मान समेत गरियो । जीवन काफ्लेकोको अध्यक्ष, तुलसीनारायण अधिकारी उपाध्यक्ष, ओमराज सुवेदी सचिव, फणिन्द्रनाग अधिकारी कोषाध्यक्ष र तुलसीप्रसाद खतिवडा, प्रदीपकुमार पाण्डे, कमला दाहाल, रोहित पौडेल जय प्रसाद काफ्ले, जयप्रसाद काफ्ले, केदारप्रसाद चौधरी र यादवदेवी अधिकारी सुवेदी सदस्य रहने गरी नयाँ संचालक समिति समेत चयन गरियो भने लेखा सुपरिवेक्षण समिति संयोजक अन्तिमकुमार आचार्य र लेखा सदस्यमा चोमेशकुमार पोखरेल र रोशनकुमार पोखरेल चयन हुनुभएको थियो ।
२५औँ वार्षिक साधारणसभा
राष्ट्र सेवक बचत तथा ऋण सहकारी संस्था लि. विराटनगरको २५औँ वार्षिक साधारणसभा सम्पन्न भएको छ । विराटनगरको होटल मनासलु इनमा विहान १० बजे शुरु भएको कार्यक्रमको अध्यक्षता अध्यक्ष श्री जीवन काफ्लेले गर्नु भएको थियो भने प्रमुख अतिथि नेपाल निजामती कर्मचारी संगठन केन्द्रिय कार्य समितिका अध्यक्ष लेखनाथ कोइराला रहनु भएको थियो । कुल १८२६ जना शेयर सदस्य रहेको संस्थाका १०७५ जना शेयर सदस्यहरुको उपस्थितिमा साधारणसभा सम्पन्न गरिएको हो । कार्यक्रममा स्व.किशोरो खतिवडा स्मृति पुरस्कारबाट पूर्व सांसद कु1न्ता शर्मालाई सम्मान तथा पुरस्कृत गरियो भने स्व. दधिराम दाहाल स्मृति पुरस्कारबाट रुपनारायण अधिकारीलाई र स्व. हिरणकुमार थापा स्मृति पुरस्कारबाट सहकारी कर्मी नरबहादुर कार्कीलाई सम्मान तथा पुरस्कार प्रदान गरियो । त्यस्तै ग्याँस व्यवसायमा अधिकतम ग्याँस खरिद गर्ने फेमस चाट हाउसका संचालक आनन्द भूषण खड्का तथा राष्ट्रिय सहकारी वैँकका कोशी प्रदेश प्रबन्धक श्री प्रभु पोखरेललाई संस्थालाई महत्वपूर्ण सहयोग गरेवापत सम्मान गरियो ।