राष्ट्रसेवक बचत तथा ऋण सहकारी संस्था लि. विराटनगर (सहकारी अध्ययन तथा सूचना केन्द्र) ले नेपाल पत्रकार महासंंघमा मोरङबाट प्रतिनिधित्व गर्ने नव निर्वाचित पदाधिकारीहरुसँग परिचयात्मक कार्यक्रम सम्पन्न गरेको छ । अध्यक्ष जीवन काफ्लेले सहकारी संस्थाको पछिल्लो झलक प्रस्तुत गर्दै सहकारी संचालनका विषयका राम्रा पक्ष र परिवर्तित कानूनका जटिलता लगाएतका विषयमा संक्षिप्त विचारहरु राख्नु भयो । संचारकर्मीले सूचना सम्प्रेषण गर्दा सहकारीले गरेका राम्रा कामहरुको बारेमा पनि सूचना सम्प्रेषण गर्नुपर्ने कुरा राख्नु भयो । नेपाल पत्रकार महासंघ मोरङ जिल्ला अध्यक्ष सुशिला पाठकले सहकारीले राम्रा कामहरु गरेका छन् र राम्रा कामहरुको उदाहरण हेर्न राष्ट्रसेवक सहकारी आउने गरी आगामी कार्यक्रमहरु गर्दै जान सूझाव दिनु भयो । मोरङ जिल्लामा कार्यरत तथा नेपाल पत्रकार महासंघमा आबद्ध ३० जना भन्दा धेरै पत्रकारहरु तथा सहकारी संस्थाका संचालक सल्लाहकार लेखा समितिका पदाधिकारी र कर्मचारीहरुको उपस्थिति कार्यक्रममा रहेको थियो ।